එළැඹෙන කන්නයේ සිට ගොවීන්ගෙන් මිලදී ගන්නා වී මිල ඉහළ නැංවීමට රජය තීරණය කර ඇති බව කෘෂිකර්ම නියෝජ්ය අමාත්ය නාමල් කරුණාරත්න මහතා පවසයි. විශේෂයෙන්ම සම්බා සහ කීරි සම්බා යන වී වර්ග සඳහා වැඩි මිලක් ලබාදීමට පියවර ගෙන ඇතත්, එහි බලපෑම පාරිභෝගිකයාට නොදැනෙන සේ සහල් මිල ස්ථාවරව පවත්වා ගන්නා බව ඔහු අවධාරණය කළේය.
ඔහු වැඩිදුරටත් පැවසුවේ මෙසේයි.
“වී මිල සංශෝධනයක් සම්බන්ධයෙන් දැනටමත් අපි මතු කරලා තියෙනවා. විශේෂයෙන්ම නාඩු වී 120යි ඒක එහෙම්මමයි. සම්බා 125 සිට 130 දක්වා වැඩි කරනවා වීවල මිල. කීරි සම්බා 132 සිට 140 දක්වා මිල වැඩි වෙනවා ගොවියාගේ පැත්තට අදාළව. එන කන්නයේ සිට ඒ වැඩිවීම සිද්ධ වෙනවා. අස්වනු නෙලනකොට ගොවීන්ට ඒ කියන මිල ගණන්වලට වී ටික දෙන්න පුළුවන් කම ලැබෙනවා. නමුත් ඊට සාපේක්ෂව සහල් මිල වැඩි කිරීමට රජය තීන්දුවක් අරගෙන නෑ. එහෙම තීන්දුවක් ගන්න බලාපොරොත්තුවකුත් නෑ.”
නියෝජ්ය අමාත්ය නාමල් කරුණාරත්න මහතා වැඩිදුරටත් පැවසුවේ වෙනත් වසරවල මෙම කාලසීමාව තුළ සහල් මෙරට මාෆියාව ක්රියාත්මක වුව ද එය මේ වසරේ මෙම කාලය තුළ සිදු නොවූ බවයි
