බස්නාහිර පළාතේ ඇතැම් ප්රදේශවලට ගිගුරුම් සහිත වැසි සමඟ ප්රබල අකුණු ඇති වීමේ වැඩි හැකියාවක් පවතින බව කාලගුණවිද්යා දෙපාර්තමේන්තුව අද (14) පස්වරුවේ නිවේදනය කළේය. මෙම අවවාදාත්මක නිවේදනය අද රාත්රී 11.00 දක්වා වලංගු වන බව එම දෙපාර්තමේන්තුව වැඩිදුරටත් සඳහන් කරයි.
ගිගුරුම් සහිත වැසි ඇති වන අවස්ථාවලදී එම ප්රදේශවල තාවකාලිකව තද සුළං ද ඇති විය හැකි බැවින්, අකුණු මඟින් සිදුවන අනතුරු අවම කර ගැනීමට අවශ්ය පියවර ගන්නා ලෙස ජනතාවගෙන් ඉල්ලා සිටියි. විශේෂයෙන්ම විවෘත ස්ථානවල රැඳී සිටීමෙන් වැළකී සිටින ලෙසත්, විදුලි උපකරණ භාවිතයේදී වඩාත් සැලකිලිමත් වන ලෙසත් කාලගුණ විද්යා දෙපාර්තමේන්තුව අවධාරණය කරයි.
