කොළඹ කොටුවේ වසර ගණනාවක් පුරා අතරමඟ ඇණහිට ඇති ‘ක්රිෂ්’ (Krrish) බහුකාර්ය සංවර්ධන ව්යාපෘතිය යළි ආරම්භ කිරීම සඳහා නව ආයෝජකයන් සොයා ඈවරකරු විසින් යෝජනා කැඳවා තිබේ.
මුල්ය අර්බුද සහ විවිධ නෛතික ගැටලු හේතුවෙන් අකර්මන්ය වී තිබූ මෙම ව්යාපෘතිය, වර්තමානය වන විට අධිකරණය විසින් පත් කරන ලද ඈවරකරුවකු යටතේ ප්රතිව්යුහගත කිරීමට හෝ විකිණීමට නියමිතව ඇත.
ඩොලර් මිලියන 712ක් ලෙස ඇස්තමේන්තු කර ඇති මෙම දැවැන්ත ව්යාපෘතිය සුඛෝපභෝගී හෝටල් (The Ritz සහ JW Marriott), සන්නාමගත නිවාස සහ කාර්යාල සංකීර්ණවලින් සමන්විත ප්රධාන කුළුණු තුනකින් සමන්විතය. ව්යාපෘති වාර්තාවලට අනුව, ඉඩමේ වටිනාකම හැර මේ දක්වා නිම කර ඇති වැඩකටයුතුවල වටිනාකම ඩොලර් මිලියන 85ක් පමණ වේ. ඈවරකරු විසින් නිකුත් කරන ලද නිවේදනයට අනුව, උනන්දුවක් දක්වන ආයෝජකයන්ට සමාගම ප්රතිව්යුහගත කිරීමට හෝ එහි කල්බදු අයිතිවාසිකම් සහ වැඩිදියුණු කිරීම් මිලදී ගැනීම සඳහා ලබන පෙබරවාරි 28 වනදා දක්වා ලංසු ඉදිරිපත් කළ හැකිය.
මෙම ව්යාපෘතිය දේශපාලනික වශයෙන් ද ආන්දෝලනයට ලක්වූවක් වන අතර, එහිදී සිදුවූ බව කියන රුපියල් මිලියන 70ක මූල්ය අයථා පරිහරණයක් සම්බන්ධයෙන් නාමල් රාජපක්ෂ මහතාට එරෙහිව පවරා ඇති නඩුව ලබන පෙබරවාරි 16 වනදා කොළඹ මහාධිකරණයේදී කැඳවීමට නියමිතය. එවන් පසුබිමක, ව්යාපෘතියේ ඉදිකිරීම් අවසන් කර නගර මධ්යයේ ඇති මෙම ‘ඇසට පීඩාකාරී’ අසම්පූර්ණ ගොඩනැගිල්ල නිම කිරීම රජයේ සහ නාගරික සංවර්ධන අධිකාරියේ අපේක්ෂාව වී තිබේ.
