පාර්ලිමේන්තුවේ අතුරු ප්රශ්න ඇසීමට කාලය ඉල්ලා දිගින් දිගටම බාධා කිරීම හේතුවෙන් සුජීව සේනසිංහ සහ චමින්ද විජේසිරි යන මන්ත්රීවරුන්ට කතානායක වෛද්ය ජගත් වික්රමරත්න මහතා අද (21) සභාවේදී දැඩි ලෙස අවවාද කළේය. මන්ත්රීවරුන් දෙදෙනාගේ හැසිරීම හේතුවෙන් සභාවේ කටයුතු පවත්වාගෙන යාමට බාධා එල්ල වූ අතර, එහිදී කතානායකවරයා සහ මන්ත්රීවරුන් අතර උණුසුම් වචන හුවමාරුවක් ද සිදු විය.
විශේෂයෙන්ම සුජීව සේනසිංහ මන්ත්රීවරයා දෙසට හැරුණු කතානායකවරයා, සභාව පාලනය කරන්නේ තමන් මිස මන්ත්රීවරයා නොවන බව අවධාරණය කළේය. චමින්ද විජේසිරි මන්ත්රීවරයා ප්රශ්න ඇසීමට තමන්ට අයිතියක් ඇති බව පවසමින් තර්ක කළ අවස්ථාවේදී, කතානායකවරයා පෙරළා ප්රකාශ කළේ මන්ත්රීවරයා සභාව නොමඟ යවන බවත්, ප්රශ්න ඇසීමට පෙර නිවසට ගොස් පාර්ලිමේන්තු ස්ථාවර නියෝග (Standing Orders) කියවා බලා අවබෝධයක් ලබා ගන්නා ලෙසත්ය.
මෙම වාද විවාද හේතුවෙන් අද පෙරවරුවේ පාර්ලිමේන්තුව තුළ දැඩි උණුසුම් තත්ත්වයක් පැවති අතර, සභාවේ විනය පවත්වා ගැනීම සඳහා තමන්ට දැඩි තීරණ ගැනීමට සිදුවන බව ද කතානායකවරයා මෙහිදී මතක් කර දුන්නේය.
