කොළඹ ප්රදේශයේදී ත්රිරෝද රථ රියදුරෙකුට සිහි විකල් වන ද්රව්යයක් මිශ්ර කළ කිරි පැකට්ටුවක් ලබාදී, ඔහු සතු රුපියල් එකොළොස් ලක්ෂ විසි පන්දහසක් (1,125,000) වටිනා රන් ආභරණ සහ මුදල් කොල්ලකෑමේ පුවතක් ගල්කිස්ස ප්රදේශයෙන් වාර්තා වේ.
මෙම සූක්ෂ්ම කොල්ලය හේතුවෙන් සිහිසුන් වූ 63 හැවිරිදි රියදුරා දින දෙකක් කළුබෝවිල ශික්ෂණ රෝහලේ ප්රතිකාර ලැබීමෙන් පසු පොලිසියට ප්රකාශයක් ලබා දී තිබේ.
අදාළ සැකකරු ආමර් වීදිය ප්රදේශයෙන් ත්රිරෝද රථයට ගොඩවී ඇති අතර, පසුව තම බිරිඳ සහ දරුවන් ද නංවාගෙන ගාලු මෝදර සහ වැල්ලවත්ත ප්රදේශවල සංචාරය කර ඇත. වැල්ලවත්ත ප්රදේශයේදී සැකකරු විසින් රියදුරාට පානය කිරීමට ලබා දුන් කිරි පැකට්ටුවක් හේතුවෙන් රියදුරා සිහිසුන් වී ඇති අතර, සැකකරුවන් විසින් ගල්කිස්ස ටෙම්පල් පාර ප්රදේශයේදී ඔහුව දමා ගොස් තිබුණි. කොල්ලකරුවන් විසින් රියදුරා සතු පවුම් 4ක රන් මාලය, පවුම් එකහමාරක රන් මුදුව සහ මුදල් සොරාගෙන ඇති බව පැමිණිල්ලේ සඳහන් වේ.
ගල්කිස්ස මූලස්ථාන ප්රධාන පොලිස් පරීක්ෂක චමින්ද හෙට්ටිආරච්චි මහතාගේ උපදෙස් මත අපරාධ විමර්ශන අංශය මේ වන විට සැකකරුවන් අත්අඩංගුවට ගැනීම සඳහා විශේෂ පරීක්ෂණයක් ආරම්භ කර ඇත.
