බඩල්කුඹුර පොලිස් වසමේ මාලිගාතැන්න හංදිය අසලදී වැල්ලවාය පොලිසියට අනුයුක්ත කොස්තාපල්වරයකු පැදවූ මෝටර් රථයක ගැටීමෙන් 53 හැවිරිදි පුද්ගලයකු බරපතල තුවාල ලබා බඩල්කුඹුර රෝහලට ඇතුළත් කර තිබේ.
අනතුර සිදුකළ අවස්ථාවේදී අදාළ පොලිස් නිලධාරියා දැඩි ලෙස බීමත්ව සිටි බව ශ්වසන පරීක්ෂණයේදී අනාවරණය වූ බව පොලිසිය පවසයි.
තුවාල ලබා ඇත්තේ මාලිගාතැන්න ප්රදේශයේ පදිංචි එච්.එම්. කුසුමරත්න නැමැති අයෙකි.
සිද්ධිය සම්බන්ධයෙන් අත්අඩංගුවට ගත් පොලිස් කොස්තාපල්වරයා මොනරාගල මහෙස්ත්රාත් අධිකරණයට ඉදිරිපත් කිරීමෙන් පසු රුපියල් ලක්ෂ පහක ශරීර ඇප මත මුදා හැරීමට නියෝග කෙරුණි.
කෙසේ වෙතත්, රාජකාරි විනය කඩකිරීම සහ බීමත්ව රිය පදවා අනතුරක් සිදුකිරීම යන චෝදනා මත මොනරාගල දිස්ත්රික් සහකාර පොලිස් අධිකාරීවරයා විසින් පසුගිය 27 වනදා සිට ක්රියාත්මක වන පරිදි මෙම නිලධාරියාගේ වැඩ තහනම් කර ඇත.
බඩල්කුඹුර පොලිස් ස්ථානාධිපති චින්තක වික්රමරත්න මහතා මේ පිළිබඳ වැඩිදුර විමර්ශන මෙහෙයවයි.
