සෞඛ්ය සේවාවේ පවතින ගැටලු සම්බන්ධයෙන් පොදු එකඟතාවයකට පැමිණීම සඳහා රජයේ වෛද්ය නිලධාරීන්ගේ සංගමය (GMOA), රජයේ හෙද නිලධාරීන්ගේ සංගමය සහ පවුල් සෞඛ්ය සේවා සංගමය ඇතුළු ප්රධාන සෞඛ්ය වෘත්තීය සමිති අතර විශේෂ සාකච්ඡාවක් ඊයේ (29) කොළඹ පිහිටි වෛද්ය නිලධාරීන්ගේ සංගම් මූලස්ථානයේදී පැවැත්වුණි.
වෛද්යවරුන් සහ හෙද සේවාව ඇතුළු සෞඛ්ය ක්ෂේත්රයේ සෙසු වෘත්තිකයන් එක්ව ඉදිරි ඒකාබද්ධ ක්රියාමාර්ග පිළිබඳව මෙහිදී අවධානය යොමු කර ඇති බව වාර්තා වේ.
මේ අතර, වෛද්යවරුන්ගේ ගැටලුවලට සාධනීය විසඳුම් ලබා දීම සඳහා සෞඛ්ය අමාත්යවරයාට ලබා දී ඇති පැය 48ක කාලය හෙටින් (31) අවසන් වීමට නියමිතය. එම කාලය තුළ රජයෙන් නිසි ප්රතිචාරයක් නොලැබුණහොත් දැනට ක්රියාත්මක වෘත්තීය සමිති ක්රියාමාර්ග තවදුරටත් දැඩි කරන බවට රජයේ වෛද්ය නිලධාරීන්ගේ සංගමය අනතුරු අඟවා තිබේ. වෛද්යවරුන්ගේ මෙම වෘත්තීය ක්රියාමාර්ග හේතුවෙන් රෝහල් රැසක බාහිර රෝගී අංශවල කටයුතු අඩාල වී ඇති අතර, ප්රතිකාර ලබා ගැනීමට පැමිණි රෝගීන් අදත් දැඩි අපහසුතාවට පත්ව සිටින අයුරු දක්නට ලැබුණි.
