වට්ස්ඇප් (WhatsApp) සමාගමේ පෞද්ගලිකත්ව ප්රතිපත්තිය සහ දත්ත හුවමාරු කිරීමේ ක්රියාවලිය හරහා සිය ආධිපත්යය අනිසි ලෙස භාවිතා කිරීම සම්බන්ධයෙන් ඉන්දීය තරඟකාරීත්ව කොමිෂන් සභාව (CCI) පනවා ඇති රුපියල් කෝටි 213ක දඩයට එරෙහිව මෙටා (Meta) සමාගම ඉදිරිපත් කළ අභියාචනය විභාග කරමින් ඉන්දීය ශ්රේෂ්ඨාධිකරණය අද (03) එම සමාගම්වලට දැඩි ලෙස දෝෂාරෝපණය කළේය.
දත්ත හුවමාරු කිරීමේ නාමයෙන් මෙරට පුරවැසියන්ගේ පෞද්ගලිකත්ව අයිතිය සමඟ සෙල්ලම් කිරීමට ඉඩ දිය නොහැකි බවත්, කිසිදු දත්තයක් හුවමාරු නොකරන බවට පොරොන්දුවක් ලබා දිය යුතු බවත් අගවිනිසුරු සූර්ය කාන්ත් මහතා ඇතුළු විනිසුරු මඩුල්ල අවධාරණය කළහ. සාමාන්ය ජනතාවට තේරුම්ගත නොහැකි ආකාරයට ඉතා සූක්ෂ්ම ලෙස මෙම පෞද්ගලිකත්ව කොන්දේසි සකස් කර ඇති බව පෙන්වා දුන් අධිකරණය, මෙය පෞද්ගලික තොරතුරු සොරකම් කිරීමේ ශිෂ්ට සම්පන්න ක්රමයක් බව ද සඳහන් කළේය.
මීට අදාළ අතුරු නියෝගයක් ලබන පෙබරවාරි 09 වැනිදා නිකුත් කිරීමට නියමිත අතර, ඉලෙක්ට්රොනික හා තොරතුරු තාක්ෂණ අමාත්යාංශය ද මෙම පෙත්සම්වල පාර්ශවකරුවෙකු ලෙස නම් කරන ලෙස අධිකරණය නියෝග කර තිබේ.
