දැනට පවතින ගෙවල් කුලී පනත අහෝසි කර ඒ වෙනුවට හඳුන්වා දීමට යෝජිත “පදිංචිකරුවන් ආරක්ෂා කිරීමේ පනත් කෙටුම්පත” සම්බන්ධයෙන් මහජන අදහස් විමසන කාලය අද (03) සිට තවත් මාසයකින් දීර්ඝ කළ බව අධිකරණ සහ ජාතික ඒකාබද්ධතා අමාත්ය හර්ෂණ නානායක්කාර මහතා පාර්ලිමේන්තුවේදී ප්රකාශ කළේය.
ශ්රී ලංකා නීතිඥ සංගමය කළ ඉල්ලීමක් ද සැලකිල්ලට ගනිමින් මෙම තීරණය ගෙන ඇති අතර, නව පනත මගින් නිවාස අයිතිකරුවන්ට හෝ ව්යාපාරිකයන්ට කිසිදු අගතියක් සිදු නොවන බව අමාත්යවරයා අවධාරණය කළේය. 2025 සැප්තැම්බර් මාසයේදී ප්රථම වරට ගැසට් කරන ලද මෙම පනත සම්බන්ධයෙන් ලැබෙන යෝජනා සලකා බැලීමට අමාත්යාංශයේ අතිරේක ලේකම්වරයෙකුගේ ප්රධානත්වයෙන් විශේෂ කමිටුවක් ද පත් කර ඇත.
