ශ්රී ලංකාවේ 78 වැනි ජාතික නිදහස් දිනය නිමිත්තෙන් බ්රිතාන්යයේ තුන්වැනි චාල්ස් රජු විසින් ජනාධිපති අනුර කුමාර දිසානායක මහතා සහ ශ්රී ලාංකික ජනතාව වෙත විශේෂ සුබ පැතුම් පණිවිඩයක් යොමු කර තිබේ. කොළඹ පිහිටි බ්රිතාන්ය මහ කොමසාරිස් කාර්යාලය හරහා නිකුත් කළ මෙම පණිවිඩය මගින් රජු සිය උණුසුම් සුබ පැතුම් පිරිනමමින්, එක්සත් රාජධානිය සහ ශ්රී ලංකාව අතර පවතින දිගුකාලීන හවුල්කාරිත්වය සහ ගැඹුරු ඓතිහාසික සබඳතා පිළිබඳව අවධාරණය කර ඇත. විශේෂයෙන්ම එක්සත් රාජධානියේ වෙසෙන ශ්රී ලාංකික ප්රජාව බ්රිතාන්යයට ලබා දෙන දායකත්වය අගය කළ රජු, අධ්යාපන සහ වෙළෙඳ ක්ෂේත්රවල සහයෝගීතාව අනාගතයේදී තවදුරටත් ශක්තිමත් වනු ඇතැයි සිය බලාපොරොත්තුව පළ කළේය.
මේ අතර බහරේන් රාජ්යයේ හමාද් බින් ඉසා අල් කලීෆා මහරජු ද ශ්රී ලංකාවේ නිදහස් දිනය වෙනුවෙන් ජනාධිපතිවරයා වෙත සිය සුබ පැතුම් පණිවිඩයක් යොමු කර ඇති බව වාර්තා වේ. ලෝක නායකයන් රැසක් ශ්රී ලංකාවේ නිදහස් සැමරුම වෙනුවෙන් මෙලෙස සුබ පැතුම් පිරිනමමින් සිටින අතර, එය ජාත්යන්තර වශයෙන් ශ්රී ලංකාව පවත්වාගෙන යන රා
