පෙබරවාරි 05 – මඩු රක්ෂිතය සහ ඒ අසල පිහිටි විල්පත්තුව ජාතික වනෝද්යානයට අයත් වනාන්තර අක්කර 700කට ආසන්න ප්රමාණයක් පසුගිය වසර කිහිපය තුළ විවිධ දේශපාලනඥයන්ගේ මැදිහත්වීමෙන් විනාශ කර ඇති බව අමාත්ය බිමල් රත්නායක මහතා අද (05) පාර්ලිමේන්තුවේදී ප්රකාශ කළේය. මෙම මහා පරිමාණ වන විනාශය සම්බන්ධයෙන් අදාළ පාර්ශ්වයන්ට එරෙහිව දැඩි නීතිමය ක්රියාමාර්ග ගැනීමට වන රක්ෂණ දෙපාර්තමේන්තුවට දැනටමත් උපදෙස් දී ඇති බව ද අමාත්යවරයා මෙහිදී සඳහන් කළේය.
පාරිසරික වශයෙන් ඉතා සංවේදී කලාපයක සිදුව ඇති මෙම අනවසර එළිපෙහෙළි කිරීම් පිළිබඳව රජයේ දැඩි අවධානය යොමු වී තිබේ. දේශපාලන බලය අයුතු ලෙස භාවිතා කරමින් රජයේ වනාන්තර අත්පත් කරගත් පුද්ගලයන් තරාතිරම නොබලා නීතිය හමුවට පැමිණවීමට කටයුතු කරන බව අමාත්යවරයා වැඩිදුරටත් අවධාරණය කළේය.
