කොළඹ අලුත්කඩේ උපරිමාධිකරණ සංකීර්ණ ප්රතිසංස්කරණ ව්යාපෘතිය යටතේ නවීකරණය කරන ලද ශ්රේෂ්ඨාධිකරණ පරිශ්රය අග්රාමාත්ය ආචාර්ය හරිනි අමරසූරිය මෙනවියගේ ප්රධානත්වයෙන් අද (05) පස්වරුවේ විවෘත කෙරිණි. මෙම අවස්ථාවට අගවිනිසුරු ප්රිති පද්මන් සුරසේන, අධිකරණ හා ජාතික ඒකාබද්ධතා අමාත්ය නීතිඥ හර්ෂණ නානායක්කාර සහ ශ්රී ලංකාවේ චීන තානාපති චී ජෙන්හොන්ග් (QI Zhenhong) යන මහත්ම මහත්මීන් ද එක්ව සිටියහ. නවීකරණ කටයුතු නිම කළ බවට වන ගිවිසුමට අධිකරණ අමාත්යවරයා සහ චීන තානාපතිවරයා අත්සන් තැබූ අතර, අග්රාමාත්යවරිය විසින් සංකේතාත්මකව එහි යතුර අගවිනිසුරුවරයා වෙත භාර දෙනු ලැබීය.
චීන රජයේ යුවාන් මිලියන 229ක මූල්ය ආධාර යටතේ 2023 අප්රේල් මාසයේදී මෙම ප්රතිසංස්කරණ කටයුතු ආරම්භ කරන ලදී. 1988 සැප්තැම්බර් 17 වන දින මෙරටට චීන රජයෙන් ප්රදානය කරන ලද මෙම උපරිමාධිකරණ සංකීර්ණය, නීතියේ ආධිපත්යය තහවුරු කිරීමේ භෞතික සම්පත් සැපයීමේ ප්රධාන මධ්යස්ථානයක් ලෙස සැලකේ. මෙම විවෘත කිරීමේ අවස්ථාවට අභියාචනාධිකරණයේ සභාපති විනිසුරු රොහාන්ත අබේසූරිය, නීතිපති පාරින්ද රණසිංහ සහ අධිකරණ අමාත්යාංශයේ ලේකම් අයෙෂා ජිනසේන යන මහත්ම මහත්මීන් ඇතුළු අධිකරණ ක්ෂේත්රයේ ජ්යෙෂ්ඨ නිලධාරීන් රැසක් සහභාගී වූහ.
