පෙබරවාරි 06 – දිවයිනේ ප්රදේශ රැසකට අද (06) දිනයේ වැසි හෝ ගිගුරුම් සහිත වැසි ඇති විය හැකි බව කාලගුණ විද්යා දෙපාර්තමේන්තුව නිවේදනය කරයි. විශේෂයෙන් නැගෙනහිර, ඌව සහ මධ්යම පළාත්වලත් පොලොන්නරුව සහ හම්බන්තොට දිස්ත්රික්කවලත් විටින් විට වැසි ඇති විය හැක. ඌව සහ නැගෙනහිර පළාත්වලත් හම්බන්තොට, මාතලේ සහ නුවරඑළිය දිස්ත්රික්කවලත් ඇතැම් ස්ථානවලට මිලිමීටර් 50ට වැඩි තරමක් තද වැසි ඇති විය හැකි බව එම දෙපාර්තමේන්තුව පෙන්වා දෙයි.
දිවයිනේ සෙසු ප්රදේශවල පස්වරු 2.00න් පසුව තැනින් තැන වැසි ඇති විය හැකි අතර, රත්නපුර, කළුතර, ගාල්ල සහ මාතර දිස්ත්රික්කවල ඇතැම් ස්ථානවලට ද මිලිමීටර් 50 ඉක්මවූ තද වැසි බලාපොරොත්තු විය හැක. මීට අමතරව උතුරු සහ වයඹ පළාත්වලත් මාතලේ, ත්රිකුණාමලය සහ අනුරාධපුර දිස්ත්රික්කවලත් පැයට කිලෝමීටර් 30-40 දක්වා වන තරමක් තද සුළං ඇති විය හැකි බැවින්, ගිගුරුම් සහිත වැසි සහ අකුණු මගින් සිදුවන අනතුරු අවම කර ගැනීමට පියවර ගන්නා ලෙස කාලගුණ විද්යා දෙපාර්තමේන්තුව මහජනතාවගෙන් ඉල්ලා සිටී. බස්නාහිර, සබරගමුව සහ මධ්යම පළාත්වල ඇතැම් ස්ථානවල උදෑසන කාලයේදී මීදුම් සහිත තත්ත්වයක් ද පැවතිය හැක.
