ශ්රී ලංකාවේ ප්රමුඛ පෙළේ ව්යාපාරිකයෙකු වන ඩඩ්ලි සිරිසේන මහතා නවීනතම හෙලිකොප්ටර් යානයක් මෙරටට ගෙන ඒමට සූදානම් වන බවට ඉඟි පළ කර තිබේ. මේ දිනවල සිංගප්පූරුවේ පැවැත්වෙන ‘සිංගප්පූරු ගුවන් ප්රදර්ශනය – 2026′ (Singapore Airshow 2026) සඳහා සහභාගී වෙමින් ඔහු කියා සිටියේ, නවීන හෙලිකොප්ටර් තාක්ෂණය මෙරටට හඳුන්වා දීමේ සිය දිගුකාලීන සිහිනය නුදුරේදීම සැබෑ කර ගැනීමට බලාපොරොත්තු වන බවයි.
සමාගම් 1,000කට අධික සංඛ්යාවක සහභාගීත්වයෙන් පසුගිය අඟහරුවාදා (03) ආරම්භ වූ මෙම ප්රදර්ශනයේදී අදහස් දක්වමින් ඔහු පෙන්වා දුන්නේ, ශ්රී ලංකාවේ සංචාරක කර්මාන්තය වේගයෙන් ප්රකෘතිමත් වෙමින් පවතින බැවින් මෙවැනි නවීන ගුවන් සේවා පහසුකම්වල අවශ්යතාවක් පවතින බවයි. Bell Textron සමාගමේ නවීනතම හෙලිකොප්ටර් මාදිලියක් පසුබිම් කරගනිමින් ඔහු සඳහන් කළේ, එම මාදිලියටත් වඩා දියුණු සහ උසස් තත්ත්වයේ හෙලිකොප්ටර් යානයක් ඉතා ඉක්මනින් ශ්රී ලංකාවට ගෙන ඒම සිය මීළඟ ඉලක්කය බවයි.
