ගණේමුල්ල සංජීව නැමති අපරාධකරුගේ ඝාතනයට සම්බන්ධ බවට සැකපිට දැනට රඳවා තබාගෙන සිටින නීතිඥ තමරා කුමාරි අබේරත්න මහත්මිය සතු රුපියල් මිලියන 25ක් (කෝටි 2.5ක්) වටිනා සුඛෝපභෝගී වාහනයක් මිලදී ගැනීම සඳහා මුදල් උපයා ගත් ආකාරය පිළිබඳව අපරාධ පරීක්ෂණ දෙපාර්තමේන්තුව (CID) පුළුල් විමර්ශනයක් ආරම්භ කර තිබේ. කොළඹ ප්රධාන මහේස්ත්රාත් අසංග එස්. බෝදරගම මහතා ඉදිරියේ කරුණු දක්වමින් CID නිලධාරීන් පවසා ඇත්තේ මෙම වාහනය සැකකාරිය අත්අඩංගුවට ගන්නා අවස්ථාවේදී සොයාගත් බවයි.
අධිකරණයට ඉදිරිපත් වූ කරුණු අනුව, මෙම සුඛෝපභෝගී වාහනය විල්ෆ්රඩ් දිසානායක නැමැති වෙනත් පුද්ගලයෙකුගේ නමින් ලියාපදිංචි කර තිබුණද, එය සැබවින්ම නීතිඥවරියට අයත් එකක් බව විමර්ශනවලදී තහවුරු වී ඇත. අදාළ පුද්ගලයාගෙන් ප්රකාශ සටහන් කර ගැනීමේදී ඔහු පවසා ඇත්තේ එම වාහනය නීතිඥවරියගේ මුදලින් මිලදී ගත් එකක් බවයි. ඒ අනුව, මෙම මිල අධික වාහනය මිලදී ගැනීම සඳහා ඇය ලබාගත් මුදල්වල මූලාශ්රය සහ ඒවා අපරාධ මගින් උපයාගත් මුදල්ද යන්න පිළිබඳව අපරාධ පරීක්ෂණ දෙපාර්තමේන්තුව වැඩිදුරටත් සොයා බලමින් සිටියි.
