මොරටුව, අඟුලාන ප්රදේශයේදී හෙරොයින් මත්ද්රව්ය ග්රෑම් 05 යි මිලිග්රෑම් 850 ක් සන්තකයේ තබාගෙන සිටියදී අත්අඩංගුවට ගත් 26 හැවිරිදි සැකකරු, ඕස්ට්රේලියාවේ සිට මෙරට මත්ද්රව්ය ජාවාරම මෙහෙයවන ‘දේවින්ද’ නමැත්තාගේ ප්රධාන ගෝලයෙකු බවට තොරතුරු අනාවරණය වී තිබේ. මොරටුව පොලිස් ස්ථානයේ නිලධාරීන් විසින් පසුගිය 04 වනදා රාත්රියේ සිදුකළ මෙම වැටලීමේදී අත්අඩංගුවට පත් වූයේ ලුනාව, ධීවර නිවාස ප්රදේශයේ පදිංචි වීරහැන්නැදිගේ ලසේන් අනුරුද්ධික ප්රනාන්දු නමැති අයෙකි.
සැකකරු මීට පෙරද මොරටුව අධිකරණයේ පවතින නඩු දෙකකට අදාළව වරෙන්තු ලබා සිටි අයෙකු බව පොලිස් වාර්තාවල සඳහන් වේ. මොහුට එරෙහිව 2022 අංක 41 දරන විෂ වර්ග, අබින් හා අන්තරාදායක ඖෂධ වර්ග පනත යටතේ නඩු පවරා ඇති අතර, අධිකරණය වෙත ඉදිරිපත් කිරීමට නියමිතව තිබුණි. විදේශගතව සිටින මත්ද්රව්ය ජාවාරම්කරුවන් සමඟ මොහු පවත්වා ඇති සබඳතා පිළිබඳව මොරටුව පොලිසිය වැඩිදුර විමර්ශන සිදු කරයි.
