රියදුරු බලපත්ර නිකුත් කිරීමේදී අවශ්ය වන වෛද්ය සහතික ලබාගැනීම සඳහා වන නව රෙගුලාසි ඇතුළත් කෙටුම්පත නීතිපති දෙපාර්තමේන්තුව වෙත යොමු කර ඇති බව ජාතික ප්රවාහන වෛද්ය ආයතනයේ සභාපති මහාචාර්ය ක්ලිෆර්ඩ් පෙරේරා මහතා පවසයි. මෙම නව කෙටුම්පත මගින් වෛද්ය සහතික නිකුත් කිරීමේදී අනුගමනය කළ යුතු නිශ්චිත ප්රමිතීන් සහ නිර්ණායක පැහැදිලිව දක්වා ඇත.
මෙහි විශේෂත්වය වන්නේ මින් ඉදිරියට රියදුරු බලපත්ර සඳහා වෛද්ය සහතික නිකුත් කිරීමේදී ඇස් පෙනීම පරීක්ෂා කිරීමට අමතරව, රුධිරයේ සීනි මට්ටම සහ කොලෙස්ටරෝල් මට්ටම පරීක්ෂා කිරීම ද අනිවාර්ය කර තිබීමයි. මීට පෙර රියදුරු බලපත්ර නිකුත් කිරීමේ රෙගුලාසි පැවතුණ ද, වෛද්ය සහතික නිකුත් කිරීමේ ක්රියාවලිය සඳහා පමණක් වෙන් වූ සම්පූර්ණ රෙගුලාසි මාලාවක් සැකසූ පළමු අවස්ථාව මෙය වේ. නීතිපතිවරයාගේ අනුමැතිය ලැබුණු පසු මෙම නව රෙගුලාසි ගැසට් මගින් ප්රකාශයට පත් කිරීමට නියමිතය.
