ආසියාවේ ප්රධානතම නාවික කේන්ද්රස්ථානය බවට කොළඹ වරාය පත්කිරීමේ දැවැන්ත සංවර්ධන ව්යාපෘතිය අද (09) නිල වශයෙන් ආරම්භ විය. ජාතික ආර්ථිකයේ ප්රධානතම ශක්තියක් බවට කොළඹ වරාය පත්කිරීම රජයේ දැඩි අරමුණ බව මෙහිදී අදහස් දැක්වූ අමාත්ය අනුර කරුණාතිලක මහතා අවධාරණය කළේය.
මෙම සංවර්ධන වැඩපිළිවෙළ යටතේ කොළඹ වරාය වෙත නවීන තාක්ෂණය හඳුන්වාදීම සඳහා ඇමරිකානු සමාගම් 6ක් සිය දායකත්වය ලබාදීමට මෙරටට පැමිණ සිටී. විශේෂයෙන්ම කෘත්රිම බුද්ධිය (AI) ඇතුළු ලොව නවීනතම නාවික තාක්ෂණික ක්රමවේද මෙරටට හඳුන්වාදීම මෙම වැඩසටහනේ ප්රධානතම අරමුණයි.
අමාත්ය අනුර කරුණාතිලක මහතාගේ සහ නියෝජ්ය අමාත්ය ජනිත රුවන් කොඩිතුවක්කු මහතාගේ ප්රධානත්වයෙන් පැවැති මෙම අවස්ථාවට වරාය අධිකාරියේ ඉහළ නිලධාරීන් සහ ක්ෂේත්රයේ ප්රවීණයන් රැසක් එක්ව සිටියහ.
