2026 විස්සයි-20 ලෝක කුසලාන තරගාවලියේ අද (10) පැවැති එක්සත් අරාබි එමීර් රාජ්යය සහ නවසීලන්තය අතර තරගයෙන් කඩුලු 10ක විශිෂ්ට ජයක් වාර්තා කිරීමට නවසීලන්ත කණ්ඩායම සමත් විය. කාසියේ වාසිය දිනා පළමුව පන්දුවට පහරදුන් එක්සත් අරාබි එමීර් රාජ්යය නියමිත පන්දුවාර 20 තුළ කඩුලු 6ක් දැවී ලකුණු 173ක් රැස් කළ අතර, එහිදී නායක මුහම්මද් වසීම් (66) සහ අලිශාන් ශරාෆු (55) අර්ධ ශතක ලබා ගනිමින් දක්ෂ පිතිහරඹයක නිරත වූහ.
නමුත් ලකුණු 174ක ජයග්රාහී ඉලක්කයක් හඹාගිය නවසීලන්ත ආරම්භක පිතිකරුවන් වූ ටිම් සයිෆර්ට් (නොදැවී 89) සහ ෆින් ඇලන් (නොදැවී 84) එක්සත් අරාබි එමීර් පන්දු යවන්නන්ට කිසිදු අවස්ථාවක් ලබා නොදෙමින් පන්දුවාර 15.2කදී සිය ජයග්රහණය තහවුරු කළහ. කිසිදු කඩුල්ලක් නොදැවී ලබාගත් මෙම ජයග්රහණය නවසීලන්ත කණ්ඩායමේ ලෝක කුසලාන ගමන්මග ශක්තිමත් කිරීමට සමත් විය.
