ශ්රී ලංකාව සහ යුරෝපා සංගමය (EU) අතර පවතින සබඳතා තවදුරටත් ශක්තිමත් කර ගැනීම පිළිබඳ විශේෂ සාකච්ඡාවක් අග්රාමාත්ය හරිනි අමරසූරිය මහත්මිය සහ යුරෝපා බාහිර ක්රියාකාරී සේවයේ (European External Action Service) දූත පිරිසක් අතර අද (11) අග්රාමාත්ය කාර්යාලයේදී පැවැත්විණි.
දෙපාර්ශවය අතර වෙළඳාම, ආයෝජන සහ ආර්ථික සහයෝගිතාව පුළුල් කළ හැකි ක්රමවේද පිළිබඳව මෙහිදී දීර්ඝ වශයෙන් අවධානය යොමු විය. මෑතකදී බලපෑ සුළි කුණාටු ව්යසනයෙන් පීඩාවට පත් ජනතාව වෙනුවෙන් යුරෝපා සංගමය ලබා දුන් කඩිනම් ආධාර උපකාර පිළිබඳව අග්රාමාත්යවරිය සිය ස්තූතිය මෙහිදී පිරිනැමුවාය.
මෙම සාකච්ඡාවලට සමගාමීව, යුරෝපා – ශ්රී ලංකා ඒකාබද්ධ කොමිසමේ 27 වන සැසිය (27th Session of the EU-Sri Lanka Joint Commission) හෙට (12) කොළඹදී පැවැත්වීමට නියමිතය. ජ්යෙෂ්ඨ නිලධාරීන්ගේ සහභාගීත්වයෙන් පැවැත්වෙන එම සැසියේදී යහපාලනය, මානව හිමිකම් සහ සංවර්ධන ව්යාපෘති පිළිබඳව ප්රගති සමාලෝචනයක් සිදු කිරීමට නියමිත අතර, අනාගත සහයෝගිතාවය සඳහා වන නිශ්චිත පියවර හඳුනා ගැනීම ද එහි අරමුණයි.
