ඉන්දීය අග්රාමාත්ය නරේන්ද්ර මෝදි මහතාගේ උපන් ගම වන ගුජරාට් ප්රාන්තයේ දෙව්නිමෝරී භූමියෙන් සොයාගත් අති පූජනීය සර්වඥ ධාතූන් වහන්සේ ප්රදර්ශනය හුණුපිටිය ගංගාරාම විහාරස්ථානයේදී සාර්ථකව අවසන් විය. ජනාධිපති අනුර කුමාර දිසානායක මහතාගේ විශේෂ ඉල්ලීමකට අනුව නිදහස් දිනයේදී මෙරටට වැඩම කරවූ මෙම ධාතූන් වහන්සේ වැඳපුදා ගැනීමට දිවයිනේ නන්දෙසින් ලක්ෂ සංඛ්යාත ජනතාවක් දිවා රාත්රී නොබලා ගංගාරාම විහාරස්ථානය වෙත රොක් වූහ. ක්රිස්තු වර්ෂ 2-3 සියවස්වලට අයත් මෙම ධාතූන් වහන්සේ ඉන්දියාවෙන් පිටතට වැඩම කරවූ ප්රථම අවස්ථාව මෙය ලෙස ඉතිහාසයට එක්වන අතර, අද පෙරවරුවේ පැවති විශේෂ ආගමික වතාවත්වලින් අනතුරුව ධාතූන් වහන්සේ යළි ඉන්දියාව බලා වැඩම කරවීමට කටයුතු යොදා තිබුණි.
