වත්මන් රජය සඝ, වෙද, ගුරු, ගොවි, කම්කරු යන පංච මහා බලවේගයන්ම මේ වන විට අමනාප කරගෙන ඇති බව සර්වජන බලය නායක, පාර්ලිමේන්තු මන්ත්රී දිලිත් ජයවීර මහතා පවසයි. අද (11) කොත්මලේ නියම්ගම්දොර රජමහා විහාරස්ථානයේදී මාධ්ය වෙත අදහස් දක්වමින් ඔහු සඳහන් කළේ, රජය විසින් ලබාදෙන ආධාර පවා දේශපාලන පදනම මත ලබාදෙන බවට ජනතාවගෙන් දැඩි චෝදනා එල්ල වන බවයි. මැතිවරණ වේදිකාවේදී ලබාදුන් පොරොන්දු ඉටුකිරීමට රජය අපොහොසත් වී ඇති බව පෙන්වා දුන් මන්ත්රීවරයා, රජයේ ක්රියාකලාපයට එරෙහිව එළඹෙන මැයි දිනයේදී විපක්ෂය සියලු දෙනා එක්ව තනි හඬකින් විරෝධය පෑ යුතු බවට ද මෙහිදී යෝජනා කළේය.
