2026 ICC T20 ලෝක කුසලාන තරගාවලිය යටතේ අයර්ලන්තයට එරෙහිව පැවති පළමු තරගයේදී කලවා ප්රදේශයේ මාංශ පේශි ආබාධයකට ලක්වූ සුපිරි දඟ පන්දු යවන ක්රීඩක වනිඳු හසරංගට මෙවර තරගාවලියේ ඉදිරි තරග අහිමි වී තිබේ. ඔහු වෙනුවට දකුණතින් ලෙග්බ්රේක් පන්දු යවන තුන් ඉරියව් ක්රීඩක දුෂාන් හේමන්ත ශ්රී ලංකා සංචිතයට ඇතුළත් කිරීමට අන්තර්ජාතික ක්රිකට් කවුන්සිලයේ තාක්ෂණික කමිටුව අනුමැතිය ලබා දී ඇත. ලෝක කුසලාන ඉතිහාසයේ දෙවැනි වැඩිම කඩුලුලාභියා වන වනිඳුගේ අඩුව පිරවීම සත්කාරක ශ්රී ලංකා කණ්ඩායමට විශාල අභියෝගයක් වනු ඇති බව ක්රිකට් විචාරකයෝ පවසති.
31 හැවිරිදි දුෂාන් හේමන්ත කොළඹ ශාන්ත පීතර විද්යාලයේ ආදි සිසුවෙකු වන අතර ඔහු මේ වන විට ජාත්යන්තර විස්සයි20 තරග 3ක් ඇතුළුව ජාත්යන්තර තරග 5කට ක්රීඩා කර තිබේ. විස්සයි20 තරග රටාව තුළ කඩුලු 82ක් දවාගෙන ඇති ඔහු දඹුල්ල සික්සස්, කොල්ට්ස් සහ ගල්ෆ් ජයන්ට්ස් වැනි දේශීය හා විදේශීය ලීග් කණ්ඩායම් රැසක් නියෝජනය කර ඇති අත්දැකීම් බහුල ක්රීඩකයෙකි. සුපිරි අට දෙනාගේ වටයට පිවිසීමේ තීරණාත්මක බලාපොරොත්තු ඇතිව ශ්රී ලංකාව හෙට (පෙබරවාරි 12) ඕමාන් කණ්ඩායමට එරෙහිව තරග වැදීමට නියමිතය.
