මුම්බායිහි වන්කඩේ ක්රීඩාංගණයේදී අද (11) රාත්රියේ පැවති විස්සයි20 ලෝක කුසලාන ‘C’ කාණ්ඩයේ තීරණාත්මක තරගයකදී එංගලන්ත කණ්ඩායම ලකුණු 30කින් පරාජය කරමින් සුපිරි ජයක් වාර්තා කිරීමට බටහිර ඉන්දීය කොදෙව් කණ්ඩායම සමත් විය. මෙම ජයග්රහණයත් සමඟ සිය කාණ්ඩයේ ප්රසාද ලකුණු සටහනේ පෙරමුණ තවදුරටත් තහවුරු කර ගැනීමට කොදෙව්වන්ට හැකි වී තිබේ.
පළමුව පන්දුවට පහරදුන් කොදෙව් කණ්ඩායම ලබාදුන් ලකුණු 197ක ප්රබල ඉලක්කය හඹාගිය එංගලන්තයට පන්දුවාර 19ක් අවසානයේ සියලු දෙනා දැවී රැස්කිරීමට හැකිවූයේ ලකුණු 166ක් පමණි. මෙය දෙරට අතර පැවති 40 වන විස්සයි20 ජාත්යන්තර තරගය වූ අතර, මෙම ජයත් සමඟ දෙරටම ජයග්රහණ 19 බැගින් ලබා සම මට්ටමේ පසුවේ. තවද, එක් තරගයක් විසඳුමකින් තොරව අවසන් වී ඇත.
