රුපියල් ලක්ෂ පහක වටිනාකමකින් යුත් චෙක්පතක් ලක්ෂ පනහක් ලෙස ව්යාජ ලෙස සකස් කර බැංකු ගත කිරීමට උත්සාහ කළ 26 හැවිරිදි ව්යාපාරිකයෙකු මොනරාගල විශේෂ අපරාධ විමර්ශන අංශය මගින් අත්අඩංගුවට ගෙන තිබේ. මැදගම ප්රදේශයේ ව්යාපාරිකයෙකුගෙන් කුකුළු මස් අලෙවි කිරීම වෙනුවෙන් ලබාගත් ලක්ෂ පහක චෙක්පතේ අගය මෙලෙස වෙනස් කර ඇති අතර, බැංකු නිලධාරීන්ට ඇතිවූ සැකය මත සිදුකළ විමසීමකදී මෙම වංචාව අනාවරණය වී ඇත.
චෙක්පත ලබාදුන් ව්යාපාරිකයා තමන් ලබාදුන්නේ ලක්ෂ පහක මුදලක් බව තහවුරු කිරීමෙන් පසු පොලිසිය විසින් සැකකරු අත්අඩංගුවට ගෙන තිබේ. දීඝවාපිය පාර, වරිපතන්චේන ප්රදේශයේ පදිංචි මෙම සැකකරු බිබිල මහේස්ත්රාත් අධිකරණයට ඉදිරිපත් කිරීමෙන් අනතුරුව ඇප මත මුදාහැර ඇති බව වාර්තා වේ.
