ආගමන විගමන දෙපාර්තමේන්තුවේ පරිගණක පද්ධතියේ හටගත් හදිසි දෝෂයක් හේතුවෙන් විදේශ ගමන් බලපත්ර නිකුත් කිරීමේ කටයුතු තාවකාලිකව අත්හිටුවා ඇති අතර, ලබන සඳුදා (16) සිට එම කටයුතු යළි ආරම්භ කරන බව දෙපාර්තමේන්තුව නිවේදනය කරයි. පද්ධතිය යථා තත්ත්වයට පත් කිරීමේ කටයුතු මේ වන විට කඩිනමින් සිදු කෙරෙමින් පවතී.
මේ අතර, කිසිදු පූර්ව දැනුම්දීමකින් තොරව කොළඹ ආගමන විගමන කාර්යාලයේ ප්රධාන පිවිසුම අද (12) වසා තැබීම හේතුවෙන් එම ස්ථානයේ දැඩි උණුසුම් තත්ත්වයක් හටගත්තේය. සේවා ලබා ගැනීමට පැමිණි ජනතාව තමන් මුහුණ දුන් අසීරුතාව පිළිබඳව බලධාරීන්ට දැඩි චෝදනා එල්ල කළහ. පසුව පොලිසිය මැදිහත් වී පවතින තාක්ෂණික දෝෂය පිළිබඳව ජනතාව දැනුවත් කිරීමෙන් අනතුරුව පිරිස විසිර ගිය බව වාර්තා වේ.
