මොරොක්කෝවේ මාරාකෙශ් නගරයේ පැවැත්වෙන ළමා ශ්රමය තුරන් කිරීම සඳහා වූ 6 වැනි ගෝලීය සම්මන්ත්රණයට එක්වෙමින් කම්කරු නියෝජ්ය අමාත්ය මහින්ද ජයසිංහ මහතා ශ්රී ලංකාවේ ප්රගතිය සහ අනාගත සැලසුම් පිළිබඳව අදහස් දක්වා තිබේ. පෙබරවාරි 11 වනදා ආරම්භ වූ මෙම සමුළුව හෙට (පෙබරවාරි 13) දින අවසන් වීමට නියමිතය.
නියෝජ්ය අමාත්යවරයා එහිදී අවධාරණය කළේ ළමා ශ්රමය යනු හුදෙකලාව ආමන්ත්රණය කළ හැකි ගැටලුවක් නොවන බවත්, ඒ හා බැඳුණු හේතු ගණනාවක් පවතින බවත්ය. ශ්රී ලංකාවේ වත්මන් තත්ත්වය පැහැදිලි කරමින් ඔහු පවසා සිටියේ වාර්ෂිකව වාර්තා වන ළමා ශ්රමය සම්බන්ධ සිදුවීම් සංඛ්යාව 10කටත් වඩා අඩු මට්ටමක පවතින බවයි. මෑතකාලීන අර්බුදකාරී තත්ත්වයන් හමුවේ වුවද ශ්රී ලංකා රජය දරුවන්ගේ අවශ්යතාවලට ප්රමුඛතාවය දෙමින් කටයුතු කළ ආකාරය ද ඔහු එහිදී පෙන්වා දුන්නේය.
මොරොක්කෝවේ හයවැනි මොහමද් රජු සහ ලෝක කම්කරු සංවිධානයේ අධ්යක්ෂ ජනරාල් ගිල්බර්ට් හුන්ග්බෝ ඇතුළු ඉහළ පෙළේ රාජ්ය තාන්ත්රිකයින් පිරිසක් මෙම සමුළුවේ සමාරම්භක අවස්ථාවට සහභාගී වී සිටියහ.
