ඩිට්වා සුළි කුණාටුවෙන් සිදු වූ හානි ප්රතිසංස්කරණය සඳහා අරමුදල් රැස් කිරීමට ජාත්යන්තර ආධාරක සමුළුවක් කැඳවන බවට පැතිර යන කතා සම්බන්ධයෙන් රජය පැහැදිලි කිරීමක් කර ඇත. අත්යවශ්ය සේවා කොමසාරිස් ජනරාල් ප්රභාත් චන්ද්රකීර්ති මහතා ඊයේ (12) රජයේ ප්රවෘත්ති දෙපාර්තමේන්තුවේ පැවැති මාධ්ය හමුවකදී ප්රකාශ කළේ එවැනි සමුළුවක් පිළිබඳව මෙතෙක් නිල මට්ටමේ සාකච්ඡා පවත්වා නොමැති බවයි.
ඔහු පෙන්වා දුන් ප්රධාන කරුණු කිහිපයක් මෙසේය:
සංකීර්ණ ක්රියාවලිය: ආධාරක සමුළුවක් කැඳවීම යනු ඉතා සංකීර්ණ ක්රියාවලියක් බවත්, ඒ සඳහා ශ්රී ලංකාවට අනුග්රහය දක්වන (Sponsor) විශේෂිත රටක් සොයා ගත යුතු බවත් ඔහු සඳහන් කළේය. හානි තක්සේරුව: දැනට පවතින්නේ ලෝක බැංකුව විසින් කරන ලද මූලික හානි තක්සේරුවක් පමණක් බවත්, සමුළුවක් කැඳවීමට පෙර ආරක්ෂක අමාත්යාංශය සහ ආපදා කළමනාකරණ මධ්යස්ථානය (DMC) හරහා පශ්චාත් හානි තක්සේරුවක් (Post-damage assessment) සිදු කළ යුතු බවත් ඔහු පැවසීය. මූල්ය අපේක්ෂාව: අරමුදල් ලබා ගන්නා ආකාරය පිළිබඳව සමුළුවට පෙර පූර්ව සාකච්ඡා පැවැත්විය යුතු බව ද හෙතෙම අවධාරණය කළේය. වත්මන් තත්ත්වය: ඩිට්වා සුළි කුණාටුවෙන් ඇමරිකානු ඩොලර් බිලියන 4.1ක පමණ සෘජු භෞතික හානියක් සිදුව ඇති බව ලෝක බැංකු වාර්තා පෙන්වා දෙන අතර, ප්රතිසංස්කරණ කටයුතු සඳහා ඇමරිකානු ඩොලර් බිලියන 7ක් පමණ වැය වනු ඇතැයි රජය මීට පෙර ඇස්තමේන්තු කර තිබුණි.
+2
