ලබන මැයි මස 01 වනදා සිට ක්රියාත්මක වන පරිදි, තමන් සමඟ රාජ්ය තාන්ත්රික සබඳතා පවත්වන අප්රිකානු රටවල් 53කින් චීනයට ආනයනය කරනු ලබන භාණ්ඩ සඳහා “ශුන්ය තීරුබදු” (Zero-tariff) සහනයක් ලබා දීමට චීනය තීරණය කර තිබේ. චීන රාජ්ය මාධ්ය උපුටා දක්වමින් රොයිටර් පුවත් සේවය අද (14) මේ බව වාර්තා කළේය.
මෙම සහනයට අමතරව, අප්රිකානු රටවල් සමඟ ඒකාබද්ධ ආර්ථික හවුල්කාරිත්ව ගිවිසුම් අත්සන් කිරීමට සහ සාකච්ඡා කිරීමට චීනය දිගටම කටයුතු කරනු ඇත. එමෙන්ම, අප්රිකානු අපනයනකරුවන්ට චීන වෙළඳපොළට පිවිසීමේ අවස්ථාව තවදුරටත් පුළුල් කිරීම සඳහා “හරිත මාවත” (Green channel) වැනි නවීකරණය කරන ලද යාන්ත්රණයන් ශක්තිමත් කිරීමට ද චීන රජය සැලසුම් කර තිබේ.
මෙම පියවර හරහා චීනය සහ අප්රිකානු කලාපය අතර ආර්ථික සහයෝගීතාවය තවදුරටත් වර්ධනය වනු ඇතැයි අපේක්ෂා කෙරේ.
