බණ්ඩාරගම – හොරණ මාර්ගයේ කොතලාවල හංදිය ආසන්නයේ වෙල්යායක් අසල තිබී අත්හැර දමා ගිය සැකකටයුතු යතුරුපැදියක් අද (15) පෙරවරුවේ බණ්ඩාරගම පොලිසිය විසින් සොයාගෙන ඇත. එෆ්.එක්ස් (FZ) වර්ගයේ මෙම යතුරුපැදිය සමඟ කළු පැහැති ආරක්ෂක හිස් වැස්මක්, අලුත්ම ජැකට්ටුවක් සහ හාල් උරයක බහා තිබූ සපත්තු යුගළක් ද පොලිසිය භාරයට ගෙන තිබේ. ඊයේ (14) රාත්රී වස්කඩුව, වාඩියමංකඩ ප්රදේශයේ සුප් වෙළඳසැලක් පවත්වාගෙන ගිය 33 හැවිරිදි පුද්ගලයෙකු වෙඩි තබා ඝාතනය කිරීමට පැමිණි පිරිස මෙම යතුරුපැදිය සහ උපකරණ භාවිත කළේ ද යන්න පිළිබඳව පොලිසිය දැන් දැඩි සැකයකින් පසුවෙයි.
මෙම ඝාතන සිද්ධියට සම්බන්ධ සැකකරුවන් හඳුනා ගැනීම සඳහා අදාළ යතුරුපැදිය සහ භාණ්ඩ සම්බන්ධයෙන් විද්යාත්මක සහ ඇඟිලි සලකුණු පරීක්ෂණ මෙහෙයවීමට බණ්ඩාරගම සහ වස්කඩුව පොලිස් කණ්ඩායම් ඒකාබද්ධව පුළුල් විමර්ශනයක් ආරම්භ කර ඇත.
