සෞඛ්ය අමාත්යාංශයේ සේවය කරන ඉහළ පෙළේ නිලධාරීන් 12 දෙනෙකුගේ වත්කම් බැරකම් පිළිබඳව පූර්ණ විගණනයක් සිදු කරන ලෙස ඉල්ලා ‘සිවිල් බුද්ධි පෙරමුණ’ අල්ලස් හෝ දූෂණ විමර්ශන කොමිෂන් සභාව වෙත පැමිණිල්ලක් ඉදිරිපත් කර තිබේ. සෞඛ්ය ලේකම් විශේෂඥ වෛද්ය අනිල් ජාසිංහ, සෞඛ්ය සේවා අධ්යක්ෂ ජනරාල් අසේල ගුණවර්ධන සහ ඖෂධ නියාමන අධිකාරියේ හා රාජ්ය ඖෂධ සංස්ථාවේ වත්මන් හා හිටපු ඉහළ තනතුරු දරන නිලධාරීන් කිහිපදෙනෙකු මෙම ලේඛනයට ඇතුළත් වේ. මීට අමතරව, වෛද්ය සැපයුම් ඒකකයේ සහ ඖෂධ නියාමන අධිකාරියේ සේවය කරන නියෝජ්ය අධ්යක්ෂ ධුර දරන සියලුම ඖෂධවේදීන්ගේ ද වත්කම් පරීක්ෂා කරන ලෙස එම සංවිධානයේ කැඳවුම්කරු සංජය මහවත්ත මහතා සිය පැමිණිල්ල මඟින් ඉල්ලීමක් කර ඇත.
