අමෙරිකානු ජනාධිපති ඩොනල්ඩ් ට්රම්ප් සහ ඊශ්රායල අග්රාමාත්ය බෙන්ජමින් නෙතන්යාහු පසුගිය බදාදා ධවල මන්දිරයේදී පැවැත්වූ සාකච්ඡාවකදී, ඉරානයට එරෙහිව දැඩි ආර්ථික පීඩනයක් එල්ල කිරීමට එකඟ වී ඇති බව වාර්තා වේ. මෙම සාකච්ඡාවේ ප්රධාන අවධානය යොමුවී ඇත්තේ ඉරානය විසින් චීනය වෙත සිදුකරන තෙල් අපනයනය සීමා කිරීම කෙරෙහි බව ‘Axios’ වාර්තා පවසයි. ඉරානයේ සමුද්රීය තෙල් අපනයනයෙන් 80% කට වඩා වැඩි ප්රමාණයක් මිලදී ගන්නේ චීනය වන අතර, එමඟින් ඉරානයේ න්යෂ්ටික වැඩපිළිවෙළට ලැබෙන අරමුදල් අවහිර කිරීම අමෙරිකාවේ සහ ඊශ්රායලයේ මූලික අරමුණයි.
මීට දින 10 කට පෙර ජනාධිපති ට්රම්ප් අත්සන් කරන ලද විධායක නියෝගයක් යටතේ, ඉරානය සමඟ වෙළඳාම් කරන ඕනෑම රටකට 25% දක්වා තීරුබදු පැනවීමට අමෙරිකාවට හැකියාව පවතින බව ද එහි සඳහන් වේ. ඉරානයට චීනය සමඟ පවතින මෙම තෙල් වෙළඳාම නතර කිරීමට බලපෑම් කිරීම හරහා ඔවුන්ව න්යෂ්ටික සාකච්ඡාවලදී නම්යශීලී කිරීමට හැකි වනු ඇතැයි අමෙරිකානු නිලධාරීන් විශ්වාසය පළ කරයි. කෙසේ වෙතත්, චීනය පවසන්නේ තමන් ඉරානය සමඟ පවත්වන වෙළඳ සබඳතා නීත්යානුකූල බවත් බටහිර පනවන ඒකපාර්ශ්වික සම්බාධකවලට තමන් විරුද්ධ වන බවත්ය.
