දිවයිනේ දහම් පාසල් ගුරුවරුන් සඳහා විධිමත් දහම් අධ්යාපන පුහුණුවක් ලබාදීමේ අරමුණින් විද්වත් කමිටුවක් මගින් මාර්ගෝපදේශ සංග්රහ (Modules) 04ක් සකස් කර ඇති බව බුද්ධශාසන, ආගමික සහ සංස්කෘතික කටයුතු නියෝජ්ය ඇමැති ගමගෙදර දිසානායක මහතා පවසයි. මෙම වැඩපිළිවෙල යටතේ ඉදිරියේදී දිස්ත්රික් මට්ටමින් ගුරු පුහුණු වැඩසටහන් ආරම්භ කිරීමට අවශ්ය මූලික කටයුතු මේ වන විට සූදානම් කර තිබේ. දහම් පාසල් අධ්යාපනයේ ගුණාත්මකභාවය ඉහළ නැංවීම මෙහි මූලික අරමුණයි.
සමස්ත පාසල් සිසුන් ලක්ෂ 41ක් අතුරින් දහම් අධ්යාපනය ලබන්නේ ලක්ෂ 23ක් වැනි පිරිසක් බවත්, සිසුන්ගෙන් 50%කට ආසන්න පිරිසක් දහම් අධ්යාපනය නොලබන බවත් මෙහිදී අනාවරණය විය. බෞද්ධ, කතෝලික, ඉස්ලාම් සහ හින්දු යන සියලුම ආගමික දහම් පාසල් පද්ධතිය තුළ මෙම අධ්යාපනික පරතරය හඳුනාගෙන ඇති අතර, නව පුහුණු මොඩියුල හරහා එම තත්ත්වය වෙනස් කිරීමට රජය අපේක්ෂා කරයි.
