කෘතහස්ත දේශපාලනඥයකු, ප්රකට වෛද්යවරයකු මෙන්ම ලංකා සමසමාජ පක්ෂයේ නායකයා ද වූ මහාචාර්ය තිස්ස විතාරණ මහතා වයස අවුරුදු 92ක්ව සිටියදී අභාවප්රාප්ත විය. ඊයේ (13) කෝට්ටේ පිහිටි ඒ මහතාගේ නිවසේදී හදිසියේ රෝගාතුරව ඔහු සමුගත් බව පවුලේ ඥාතීන් තහවුරු කරයි. වෛද්ය විද්යාව මෙන්ම වාමාංශික දේශපාලනය වෙනුවෙන් ද කැපී පෙනෙන මෙහෙවරක් කළ ඔහු, හිටපු අමාත්යවරයෙකු ලෙස ද කටයුතු කරමින් මෙරට දේශපාලනයට සුවිශේෂී බුද්ධිමය දායකත්වයක් ලබා දුන්නේය.
1934 වසරේදී නුවරඑළියේ උපත ලැබූ තිස්ස විතාරණ මහතා ආචාර්ය එන්. එම්. පෙරේරා මහතාගේ සමීප ඥාතියෙකු ද වේ. ආනන්ද සහ ත්රිත්ව විද්යාලවලින් අධ්යාපනය ලබා දක්ෂ ක්රිකට් ක්රීඩකයෙකු ද වූ ඔහු, පසුව ලංකා විශ්වවිද්යාලයෙන් වෛද්ය උපාධිය ලබා ගත්තේය. ඒ මහතාගේ දේහය අද බොරැල්ලේ පිහිටි එන්. එම්. පෙරේරා මධ්යස්ථානයේ මහජන ගෞරවය සඳහා තැන්පත් කර ඇති අතර, අවසන් කටයුතු හෙට (පෙබරවාරි 16) සවස බොරැල්ල කනත්තේදී සිදු කිරීමට නියමිතය.
