දිල්ලියේ පවතින දැඩි වායු දූෂණය පිළිබඳව අදහස් දක්වමින් උත්තර ප්රදේශ් මහ ඇමති යෝගී ආදිත්යනාත් මහතා පවසා සිටියේ වර්තමානය වන විට ඉන්දියාවේ අගනුවර වන දිල්ලිය “ගෑස් කුටීරයක්” (Gas Chamber) මෙන් දැනෙන බවයි. ගොරක්පූර් හි පැවති උත්සවයක් අමතමින් ඔහු සඳහන් කළේ දිල්ලියේ වාතය හුස්ම ගැනීමට අපහසු මට්ටමට දූෂණය වී ඇති අතර දෑස්වල දැවිල්ලක් ඇති කරන තරමට එම තත්ත්වය දරුණු බවයි. විශේෂයෙන්ම ඇදුම රෝගීන්, කුඩා ළමුන් සහ වැඩිහිටියන් නිවෙස් තුළම රැඳී සිටිය යුතු බවට වෛද්යවරුන් නිර්දේශ කරන මෙවැනි ජීවිතයක් කෙතරම් අසීරු දැයි ඔහු ප්රශ්න කර සිටියේය.
දිල්ලියට සාපේක්ෂව උත්තර ප්රදේශ් ප්රාන්තයේ සංවර්ධන කටයුතු සිදු වුවද, එහි පරිසරය ඉතා පිරිසිදු මට්ටමක පවතින බවත් ජනතාවට නිදහසේ හුස්ම ගැනීමට හැකියාව ඇති බවත් මහ ඇමතිවරයා මෙහිදී අවධාරණය කළේය. පරිසර විනාශය වර්තමාන ලෝකයේ ප්රධානතම අභියෝගය බව පෙන්වා දුන් ඔහු, ඉදිරියේදී ආරම්භ කිරීමට නියමිත වන විද්යා හා උද්යාන විද්යා විශ්වවිද්යාලය (Forestry and Horticulture University) හරහා පරිසරය සුරකිමින් තරුණ තරුණියන්ට රැකියා සහතික කරන උපාධි පිරිනමන බව ද පැවසීය. මීට අමතරව රසායනික ද්රව්ය භාවිතය නිසා වඳවී යන ගිජුලිහිණියන් ආරක්ෂා කිරීමට පිහිටුවා ඇති සංරක්ෂණ මධ්යස්ථාන පිළිබඳව ද ඔහු මෙහිදී සිහිපත් කළේය.
