වවුනියාව දිස්ත්රික්කයේ දැනට කාන්තා ගෘහමූලික පවුල් 7,999ක් පමණ සිටින බව අනාවරණය වී ඇති අතර, එම පවුල්වල ආර්ථික හා සමාජීය තත්ත්වය ඉහළ නැංවීම සඳහා රජය විසින් විශේෂ වැඩසටහන් මාලාවක් ආරම්භ කර තිබේ. සරෝජා සාවිත්රි පෝල්රාජ් මහත්මිය සහ උපාලි සමරසිංහ මහතාගේ ප්රධානත්වයෙන් පැවැති රාජ්ය නිලධාරීන් දැනුවත් කිරීමේ සම්මන්ත්රණයකදී මේ පිළිබඳව දීර්ඝ වශයෙන් සාකච්ඡා කෙරිණි. මෙහිදී ප්රධාන වශයෙන්ම අවධානය යොමු වූයේ එම පවුල්වල දරුවන්ගේ ආරක්ෂාව තහවුරු කිරීම සහ ඔවුන්ගේ අධ්යාපන අවස්ථා පුළුල් කිරීම සඳහා ගත යුතු ක්රියාමාර්ග පිළිබඳවයි.
2026 අයවැය මගින් කාන්තා ගෘහමූලික පවුල් සංවර්ධනය වෙනුවෙන් වෙන් කර ඇති ප්රතිපාදන කාර්යක්ෂමව භාවිත කරන ආකාරය පිළිබඳව ද මෙහිදී නිලධාරීන්ට උපදෙස් ලබා දී ඇත. විශේෂයෙන්ම පරිවාස හා ළමාරක්ෂක දෙපාර්තමේන්තුව භාරයේ සිටින දරුවන් මුහුණ දෙන ගැටලු සහ එම පද්ධතියේ පවතින අඩුපාඩු මගහරවා ගනිමින් වඩාත් සාර්ථක සේවාවක් සැපයීම කෙරෙහි මෙහිදී වැඩි අවධානයක් යොමු විය. මෙම වැඩපිළිවෙළ හරහා වවුනියාව දිස්ත්රික්කයේ වෙසෙන අසරණ පවුල්වල ජීවන තත්ත්වය නංවාලීමටත්, ඔවුන්ට අවශ්ය රාජ්ය සේවාවන් කඩිනමින් ලබා දීමටත් අපේක්ෂා කෙරේ.
