ත්රස්තවාදී මර්දන නීති යටතේ ‘Palestine Action’ විරෝධතා කණ්ඩායම නීති විරෝධී සංවිධානයක් ලෙස නම් කිරීමට බ්රිතාන්ය රජය ගත් තීරණය අයුක්ති සහගත සහ නීති විරෝධී බව එරට මහාධිකරණය තීන්දු කර තිබේ. ජ්යෙෂ්ඨ විනිසුරුවරුන් තිදෙනෙකුගෙන් යුත් මඩුල්ලක් ලබාදුන් මෙම තීන්දුව මගින් පෙන්වා දී ඇත්තේ, අදාළ තහනම පැනවීමේදී ස්වදේශ කටයුතු ලේකම්වරිය සිය ප්රතිපත්ති අනුගමනය කර නොමැති බවත්, එමගින් භාෂණයේ සහ රැස්වීමේ නිදහස දැඩි ලෙස සීමා වී ඇති බවත්ය. කෙසේ වෙතත්, මෙම තීන්දුවට එරෙහිව රජය අභියාචනයක් ඉදිරිපත් කරන බැවින් එම අභියාචනා කාලසීමාව තුළ තහනම තාවකාලිකව බලාත්මකව පවතිනු ඇත.
ඊශ්රායල හමුදා සැපයුම්කරුවන් සමඟ සම්බන්ධ ආයතනවලට එරෙහිව සෘජු ක්රියාකාරකම් සහ විරෝධතා සංවිධානය කළ මෙම කණ්ඩායම 2025 ජූලි මාසයේදී තහනම් කරන ලද අතර, එතැන් සිට එම කණ්ඩායමට සහය දැක්වූ දහස් ගණනක් ත්රස්තවාදී නීති යටතේ අත්අඩංගුවට පත් විය. මහාධිකරණ තීන්දුවත් සමඟ ලන්ඩන් මෙට්රොපොලිටන් පොලිසිය ප්රකාශ කළේ හුදු සහයෝගය පළකිරීම් වෙනුවෙන් සිදුකරන අත්අඩංගුවට ගැනීම් නතර කරන නමුත් අපරාධමය ක්රියාවලට එරෙහිව නීතිය ක්රියාත්මක කරන බවයි. මෙම නෛතික ජයග්රහණය සිවිල් නිදහස වෙනුවෙන් ලැබූ ජයග්රහණයක් ලෙස ‘Palestine Action’ නිර්මාතෘ හුඩා අමෝරි (Huda Ammori) හඳුන්වන අතර, මෙම තීන්දුව දැනට විභාග වෙමින් පවතින නඩු සිය ගණනක තීරණ කෙරෙහි ද තීරණාත්මක ලෙස බලපානු ඇතැයි නීති විශේෂඥයෝ පවසති.
