විස්සයි-20 ලෝක කුසලාන තරගාවලියේ ඉන්දියාව සමඟ පැවති තරගයෙන් ලකුණු 61ක දැවැන්ත පරාජයක් ලැබීමත් සමඟ පාකිස්ථාන කණ්ඩායමේ දැඩි වෙනසක් සිදුකළ යුතු බව හිටපු ප්රබල පිතිකරු සහ පුහුණුකරු මොහොමඩ් යූසුෆ් පවසයි.
ඔහු සිය X (ට්විටර්) ගිණුමේ සටහනක් තබමින් අවධාරණය කර ඇත්තේ බාබර් අසාම්, ශහීන් අෆ්රිඩි සහ ශදාබ් ඛාන් යන ක්රීඩකයින්ට කණ්ඩායමෙන් ඉවත්වීමට දැන් කාලය එළඹ ඇති බවයි. දුර්වල කණ්ඩායම්වලට එරෙහිව ජයග්රහණ ලබාගැනීමෙන් පමණක් පාකිස්ථානයට ඉදිරියට යා නොහැකි බවත්, දැන් අවශ්ය වන්නේ දක්ෂතා දක්වන නවක ක්රීඩකයින්ට අවස්ථාව ලබාදීම බවත් ඔහු වැඩිදුරටත් සඳහන් කර තිබේ.
මෙම ප්රකාශයත් සමඟ පාකිස්ථාන ක්රිකට් ක්ෂේත්රය තුළ දැඩි කතාබහක් නිර්මාණය වී ඇත.
