වත්මන් රජය ජනතාව අතර සැබවින්ම ජනප්රිය නම් කළ යුත්තේ වහාම පළාත් සභා මැතිවරණය පැවැත්වීම බව හිටපු පාර්ලිමේන්තු මන්ත්රී විජේපාල හෙට්ටිආරච්චි මහතා ප්රකාශ කරයි. මාධ්ය හමුවක් අමතමින් ඔහු අවධාරණය කළේ ආණ්ඩුවේ ක්රියාකලාපය පිළිබඳව ජනතාව තුළ පවතින්නේ යැයි කියන පැහැදීම උරගා බැලීමට ඇති හොඳම ක්රමය ඡන්දයක් පැවැත්වීම වුවද, ආණ්ඩුව එය මගහරිමින් සිටින බවයි. මැතිවරණයක් පැවැත්වුවහොත් තමන්ට අන්ත පරාජයකට මුහුණ දීමට සිදුවන බව රජය හොඳින්ම දන්නා නිසා ඡන්දය පැවැත්වීමට බියක් දක්වන බව හෙතෙම වැඩිදුරටත් සඳහන් කළේය.
