2025 අධ්යයන පොදු සහතික පත්ර සාමාන්ය පෙළ විභාගය අද (17) දිවයින පුරා පිහිටි විභාග මධ්යස්ථාන 3,545කදී ආරම්භ වේ. මෙවර විභාගය සඳහා අපේක්ෂකයින් 451,463ක් පෙනී සිටින අතර, ඉන් 382,249ක් පාසල් අයදුම්කරුවන් වන අතර 69,214ක් පෞද්ගලික අයදුම්කරුවන් වෙති.
විභාග කොමසාරිස් ජනරාල් ඉන්දිකා ලියනගේ මහත්මිය සඳහන් කළේ සියලුම අපේක්ෂකයින් තමන්ට අදාළ ප්රවේශ පත්ර සහ වලංගු හැඳුනුම්පතක් සහිතව, විභාගය ආරම්භ වීමට අවම වශයෙන් පැයකට පෙර මධ්යස්ථාන වෙත පැමිණිය යුතු බවයි. විභාග ශාලාව තුළට ජංගම දුරකථන, ස්මාර්ට් ඔරලෝසු හෝ වෙනත් අනවශ්ය ඉලෙක්ට්රොනික උපකරණ රැගෙන ඒම සපුරා තහනම් වන අතර, විභාග නීති රීති උල්ලංඝනය කරන අපේක්ෂකයින්ට එරෙහිව දැඩි ක්රියාමාර්ග ගන්නා බව ද දෙපාර්තමේන්තුව අවධාරණය කරයි.
විභාගය පැවැත්වෙන කාලය තුළ සිසුන්ට බාධාවකින් තොරව විභාග මධ්යස්ථාන වෙත පැමිණීම සඳහා අවශ්ය ප්රවාහන පහසුකම් සලසන ලෙස ද අදාළ අංශ වෙත උපදෙස් දී ඇත. අයහපත් කාලගුණ තත්ත්වයක් පවතින්නේ නම් ඒ පිළිබඳව අවධානයෙන් පසුවන ලෙසත්, ඕනෑම හදිසි අවස්ථාවකදී විභාග දෙපාර්තමේන්තුවේ ක්ෂණික ඇමතුම් අංකය වන 1911 ඇමතීමට හැකි බවත් වැඩිදුරටත් දැනුම් දී තිබේ.
