අද (17) සවස් කාලයේ සිට ලොව පුරා පරිශීලකයන් රැසකට අත්විඳීමට සිදු වූ යූටියුබ් සේවා බාධාව මේ වන විට යථාතත්වයට පත්ව තිබේ.
මෙම තාක්ෂණික දෝෂය හේතුවෙන් වීඩියෝ දර්ශන නැරඹීමට සහ වෙබ් අඩවියට පිවිසීමට පරිශීලකයන්ට දැඩි බාධා එල්ල වූ අතර, ඒ පිළිබඳව සමාජ මාධ්ය ජාලා ඔස්සේ බොහෝ දෙනා සිය විරෝධය පළ කර තිබුණි. කෙසේ වෙතත්, යූටියුබ් බලධාරීන් මැදිහත් වී අදාළ දෝෂය කඩිනමින් නිරාකරණය කර ඇති අතර මේ වන විට ශ්රී ලංකාව ඇතුළු රටවල් රැසක සේවාව සාමාන්ය පරිදි ක්රියාත්මක වේ.
මෙම ඇණහිටීමට නිශ්චිත හේතුවක් මෙතෙක් නිල වශයෙන් ප්රකාශ කර නොමැති වුවද, එය මෘදුකාංග යාවත්කාලීන කිරීමකදී සිදු වූ දෝෂයක් විය හැකි බව තාක්ෂණික අංශ සැක පළ කරයි.
