නැගෙනහිර පැසිෆික් සහ කැරිබියන් මුහුදු කලාපයේ මත්ද්රව්ය ජාවාරම්වල නිරත වූ බවට සැකකෙරෙන බෝට්ටු තුනක් ඉලක්ක කර ඇමෙරිකානු හමුදාව එල්ල කළ ප්රහාරවලින් පුද්ගලයන් 11 දෙනෙකු මියගොස් ඇති බව විදෙස් මාධ්ය වාර්තා කරයි. නැගෙනහිර පැසිෆික් කලාපයේ යාත්රා දෙකක සිටි අට දෙනෙකු සහ කැරිබියන් කලාපයේ යාත්රාවක සිටි තිදෙනෙකු මෙම ප්රහාරවලින් ජීවිතක්ෂයට පත්ව ඇත.
ඇමෙරිකානු බුද්ධි අංශ තොරතුරුවලට අනුව, ඩොනල්ඩ් ට්රම්ප් පරිපාලනය යටතේ පසුගිය සැප්තැම්බර් මාසයේ සිට මේ දක්වා මත්ද්රව්ය ප්රවාහනය කරන බවට සැකකෙරෙන බෝට්ටුවලට එල්ල කළ ප්රහාර සංඛ්යාව 40 ඉක්මවයි. කෙසේ වෙතත්, ජනවාරි මස මුලදී ඇමෙරිකානු හමුදාව විසින් වෙනිසියුලානු ජනාධිපති නිකොලස් මධුරෝ අත්අඩංගුවට ගැනීමෙන් පසුව මෙවැනි ප්රහාර එල්ල කිරීමේ යම් අඩුවීමක් දක්නට ලැබුණු බව විදෙස් විචාරකයෝ පෙන්වා දෙති.
මෙම දැඩි ක්රියාමාර්ග හරහා ලතින් ඇමෙරිකානු කලාපයේ සිට ඇමෙරිකාව දෙසට ගලා එන මත්ද්රව්ය ජාලය මුළුමනින්ම අඩපණ කිරීම ට්රම්ප් පරිපාලනයේ අරමුණ වී තිබේ. මෙම ප්රහාරවලින් මියගිය පිරිස කුමන රටවල පුරවැසියන්ද යන්න මෙතෙක් නිල වශයෙන් අනාවරණය කර නොමැති වුවද, ජාත්යන්තර මුහුදු සීමාවන් තුළ ආරක්ෂාව සහ මත්ද්රව්ය මර්දනය සම්බන්ධයෙන් ඇමෙරිකාව සිය දැඩි පිළිවෙත තවදුරටත් ක්රියාත්මක කරමින් සිටින බව පෙනී යයි.
