දිල්ලියේ ද්වාර්කා ප්රදේශයේදී බාලවයස්කාර සිසුවෙකු පැදවූ SUV රථයක ගැටීමෙන් අකාලයේ මියගිය 23 හැවිරිදි සහිල් ධනේශ්වරාගේ මව, ඉනා මාකන් මහත්මිය, සමස්ත මවුපියන්ගෙන් විශේෂයෙන්ම මවුවරුන්ගෙන් ඉතා සංවේදී ඉල්ලීමක් කර තිබේ. තම එකම දරුවා අහිමි වීමේ දැඩි ශෝකය දරාගනිමින් ඇය පවසා සිටියේ, සිය පුතාගේ “පරිත්යාගය” අනෙකුත් දරුවන්ගේ ජීවිත බේරාගැනීම සඳහා වන පාඩමක් කරගත යුතු බවයි.
සහිල් යනු ඇයගේ එකම දරුවා වන අතර, ඇය ඔහුව ඇති දැඩි කර ඇත්තේ තනිවමය (Single mother). ඒ වෙනුවෙන් තමා අප්රමාණ කැපකිරීමක් කළ බවත්, දැඩි වෙහෙසක් දැරූ බවත් ඇය පවසා සිටියි. දරුවන් වෙනුවෙන් මවුපියන් කරන එම සියලු කැපකිරීම් තත්පර කිහිපයක නොසලකා හැරීමකින් අළු වී යා හැකි බව ඇය සියලු දෙනාටම මතක් කර දෙයි.
බාලවයස්කාර දරුවන්ට වාහන පැදවීමට ඉඩ දීමෙන් සහ ඔවුන්ගේ වැරදි නොසලකා හැරීමෙන් සිදුවන විනාශය පිළිබඳව ඇය මවුපියන්ට අනතුරු ඇඟවීය. මවුපියන් තම දරුවන් පිළිබඳව වඩාත් අවධාරණයෙන් පසුවිය යුතු බවත්, මෙවැනි නොසැලකිලිමත්කම් නිසා තවත් මවකට තම දරුවා අහිමි නොවිය යුතු බවත් ඇය අවධාරණය කළාය.
පසුගිය පෙබරවාරි 3 වැනිදා සිදුවූ මෙම අනතුරෙන් සහිල් එම ස්ථානයේදීම මියගියේ 17 හැවිරිදි අක්ෂත්ර සිං නම් සිසුවා පැදවූ ස්කෝපියෝ රථය ඔහුගේ යතුරුපැදියේ ගැටීමෙනි. මෙම මාරක අනතුර සිදුකළ බාලවයස්කාර සිසුවා මේ වන විට රඳවා තබාගෙන සිටින අතර, ඔහුගේ පියාට එරෙහිව ද නීතිමය ක්රියාමාර්ග ගෙන තිබේ.
