ශ්රී ලංකාවේ සංචාරක ව්යාපාරය ලෝකය පුරා ප්රවර්ධනය කිරීමේ අරමුණින් MISS TOURISM 2026 ජාත්යන්තර රූ රැජින තරගාවලිය එළඹෙන ජූනි මාසයේදී මෙරටදී පැවැත්වීමට නියමිත බව සංවිධායක මණ්ඩලය නිවේදනය කර තිබේ.
තරගාවලිය 2026 ජූනි මස 29 වනදා සිට අගෝස්තු මස 09 වනදා දක්වා කොළඹ කේන්ද්ර කරගනිමින් පැවැත්වීමට කටයුතු යොදා ඇත. මෙහි නිර්මාතෘ රාධිකා ගුණවර්ධන සහ මිස් වර්ල්ඩ් ටුවරිසම් සභාපති ආචාර්ය මොහාන් පෙරේරා යන මහත්ම මහත්මීන්ගේ මූලිකත්වයෙන් පසුගියදා පැවැති මාධ්ය හමුවකදී මේ පිළිබඳ කරුණු අනාවරණය කෙරිණි.
විවිධ විදේශීය රටවලින් පැමිණෙන තරගකාරියන් ඔවුන්ගේ සමාජ මාධ්ය ජාලා ඔස්සේ ශ්රී ලංකාවේ සුන්දරත්වය සහ සංචාරක ආකර්ෂණීය ස්ථාන ලොවට ප්රචාරය කිරීම මෙහි ප්රධාන අරමුණයි. එමඟින් මෙරට සංචාරක කර්මාන්තයට විශාල විදේශ විනිමයක් සහ ප්රසිද්ධියක් ලබාගත හැකි වනු ඇතැයි සංවිධායකයෝ අපේක්ෂා කරති.
