ඕස්ට්රේලියාවේ සුපිරි විස්සයි20 ලීගය වන බිග් බෑෂ් ලීගයේ (BBL) මීළඟ අදියරේ සමාරම්භක තරගය ඉන්දියාවේදී පැවැත්වීමට ඕස්ට්රේලියානු ක්රිකට් ආයතනය සූදානම් වන බව වාර්තා වේ.
විදෙස් මාධ්ය වාර්තා කරන පරිදි මෙම තීරණයට අදාළ ප්රධාන කරුණු කිහිපයක් මෙසේය. වැඩි ප්රේක්ෂක ආකර්ෂණයක් ලබා ගැනීම සහ මූල්යමය වාසි අත්කර ගැනීම අරමුණු කරගනිමින් මෙම පියවර ගැනීමට අවධානය යොමුව ඇති බව පැවසේ. ඒ අනුව ඉන්දියාවේ චෙන්නායිහි පිහිටි ප්රකට චෙපාක් (Chepauk) ක්රීඩාංගනයේ මෙම ආරම්භක තරගය පැවැත්වීමට බොහෝ දුරට ඉඩ ඇති අතර, ඒ සම්බන්ධයෙන් තමිල්නාඩු ක්රිකට් පාලක මණ්ඩලය සමඟ ද මූලික සාකච්ඡා පවත්වා තිබේ.
මීළඟ බිග් බෑෂ් ලීගය එළඹෙන දෙසැම්බර් මැද භාගයේ සිට 2027 ජනවාරි මුල් සතිය දක්වා පැවැත්වීමට මූලික සැලසුම් සකස් කර ඇත. මීට පෙර ද ලොව ප්රධාන පෙළේ ලීග තරගාවලි සිය රටින් බැහැරව පවත්වා ඇති අතර, BBL තරගාවලියක් ඕස්ට්රේලියාවෙන් බැහැරව ඉන්දියාව වැනි රටක ආරම්භ කිරීම ක්රිකට් ලෝකයේ සුවිශේෂී සන්ධිස්ථානයක් වනු ඇත.
