ශ්රී ලංකාවේ විද්යුත්, මුද්රිත සහ ඩිජිටල් මාධ්ය ක්ෂේත්ර නියෝජනය කරන මාධ්යවේදීන් 30 දෙනෙකු වෙනුවෙන් සංවිධානය කරන ලද විශේෂ වැඩමුළුවක් ඉන්දියාවේ හයිද්රාබාද් නුවරදී මේ දිනවල සාර්ථකව පැවැත්වේ. ඉන්දීය විදේශ කටයුතු අමාත්යාංශය, තෙලගනා රජය සහ තෙලගනා මානව සම්පත් සංවර්ධන ආයතනය එක්ව මෙම පුහුණු වැඩසටහන සංවිධානය කර තිබේ.
ලබන 21 වනදා දක්වා පැවැත්වෙන මෙම වැඩමුළුවේදී නූතන මාධ්ය ක්ෂේත්රය මුහුණ දෙන ප්රධානතම අභියෝග සහ නව ප්රවණතා පිළිබඳව පුළුල් ලෙස අධ්යයනය කෙරේ. විශේෂයෙන්ම ජනමාධ්ය තුළ කෘත්රිම බුද්ධියේ (AI) වර්ධනය, සමාජ මාධ්යවල වැදගත්කම, අර්බුද කළමනාකරණය සහ සන්නිවේදන අභියෝග ජයගන්නා ආකාරය පිළිබඳව මෙහිදී මාධ්යවේදීන් දැනුවත් කිරීම සිදු වේ.
මීට අමතරව, මාධ්ය සහ ජනතාව අතර විශ්වාසය ගොඩනැංවීම, සිනමාකරණය සහ නූතන පාලන තන්ත්රය තුළ මාධ්යයේ කාර්යභාරය වැනි මාතෘකා රැසක් යටතේ දේශීය හා විදේශීය විශේෂඥයින් මෙහිදී අදහස් දක්වයි. මෙම පුහුණුව හරහා ශ්රී ලාංකීය මාධ්යවේදීන්ට ජාත්යන්තර මාධ්ය ප්රමිතීන් සහ නවීන තාක්ෂණය පිළිබඳ ප්රායෝගික අත්දැකීම් ලබා ගැනීමට අවස්ථාව හිමිවනු ඇත.
