එක්සත් ජනපද ජනාධිපති ඩොනල්ඩ් ට්රම්ප් සහ ජපාන අග්රාමාත්ය සනායි ටකයිචි මහත්මිය විසින් දෙරටේ බලශක්ති සුරක්ෂිතතාව වෙනුවෙන් ඩොලර් බිලියන 550ක් වටිනා දැවැන්ත ව්යාපෘති ත්රිත්වයක් නිල වශයෙන් ප්රකාශයට පත් කර තිබේ. පසුගිය වසරේ ජූලි මස අත්සන් තැබූ වෙළඳ ගිවිසුමේ දිගුවක් ලෙස ක්රියාත්මක වන මෙම වැඩපිළිවෙළ, ගෝලීය බලශක්ති වෙළඳපොළ තුළ ඇමරිකානු සහ ජපාන ආධිපත්යය තහවුරු කිරීමක් ලෙස සැලකේ.
මෙම බලාගාරය නිමවීමෙන් පසු එක්සත් ජනපදයේ පවතින විශාලතම ගෑස් බලාගාරය වනු ඇතැයි අපේක්ෂා කෙරේ. මෙහි අරමුණ වන්නේ ඇමරිකානු බලශක්ති උත්පාදනය ඉහළ නංවන අතරම ජපානයට අවශ්ය බලශක්ති යන්ත්රෝපකරණ සැපයීම සඳහා අවස්ථාව සැලසීමයි.
ටෙක්සාස්හි බ්රසෝරියා ප්රාන්තයේ ඉදිකරන මෙම ගැඹුරු ජල බොරතෙල් අපනයන පර්යන්තය සඳහා වැය කෙරෙන මුදල ඩොලර් බිලියන 2.1කි. මෙම පර්යන්තය මගින් වාර්ෂිකව ඩොලර් බිලියන 20-30ක ආදායමක් අපේක්ෂා කරන අතර, වසර 20ක් තුළ ඩොලර් බිලියන 400-600ත් අතර දැවැන්ත ආදායමක් උත්පාදනය කිරීමට පුරෝකථනය කර ඇත.
මෙක්සිකෝ බොක්ක ආශ්රිතව ඉදිවන ද්රව ස්වාභාවික වායු පහසුකම හරහා ඇමරිකානු ගෑස් අපනයනය ඉහළ නැංවීමටත්, ජපානයේ බලශක්ති අවශ්යතාව සැපයුම් දාමයක් ඔස්සේ සුරක්ෂිත කිරීමටත් සැලසුම් කර තිබේ.
මෙම ගිවිසුම හරහා දෙරට අතර අන්යෝන්ය වශයෙන් තීරුබදු අඩු කිරීමට එකඟ වී ඇති අතර, එය ජපන් සමාගම්වලට තම යන්ත්රෝපකරණ ඇමරිකානු වෙළඳපොළට හඳුන්වා දීමට මහඟු අවස්ථාවක් වනු ඇත. ජපාන අග්රාමාත්ය සනායි ටකයිචි පෙන්වා දෙන්නේ, මෙමගින් දෙරටේ සන්ධානය ශක්තිමත් වන අතරම ඕනෑම ගෝලීය අර්බුදයකදී ඔරොත්තු දිය හැකි ශක්තිමත් සැපයුම් දාමයක් නිර්මාණය වන බවයි.
මෙම දැවැන්ත ආයෝජනය හරහා ඇමරිකානු වෙළඳ ශේෂය ශක්තිමත් කිරීමටත්, දහස් ගණනක නව රැකියා අවස්ථා උත්පාදනය කිරීමටත් අපේක්ෂා කෙරේ.
