2026 විස්සයි-විස්ස ලෝක කුසලානයේ සුපිරි 8 දෙනාගේ වටයට සුදුසුකම් ලැබීමට පකිස්ථානය සමත් වුවද, කොළඹ ආර්. ප්රේමදාස ක්රීඩාංගණයේදී ඉන්දියාව හමුවේ ලැබූ දරුණු පරාජයත් සමඟ එරට ප්රධාන පුහුණුකරු මයික් හෙසන්ට එල්ල වන විවේචන උත්සන්න වී තිබේ. ඉන්දියාව ලබාදුන් ලකුණු 176ක ඉලක්කය හඹාගිය සල්මන් අලි අගාගේ නායකත්වයෙන් යුත් පකිස්ථාන කණ්ඩායම ලකුණු 61කින් පරාජයට පත්වූ අතර, හිටපු ඉන්දීය පිතිකරු මොහොමඩ් කයිෆ් මෙම පරාජය මුල් කරගනිමින් හෙසන්ගේ පුහුණු ක්රමවේදයන් ප්රශ්න කර ඇත.
කයිෆ් පෙන්වා දෙන්නේ ඉන්දියාවට එරෙහි තරගයේදී නායක අගා විසින් ගනු ලැබූ ඇතැම් තීරණ පුදුම සහගත බවයි. විශේෂයෙන්ම අභිෂේක් ෂර්මාගේ කඩුල්ල දවාගැනීමට සමත් වුවද නායකයා සිය පන්දු ඕවර කෝටාව සම්පූර්ණ නොකිරීම සහ තරගයේ 10 වන ඕවරයෙන් පසුව උස්මාන් තාරික් පන්දු යැවීමට කැඳවීම වැනි තීරණ විවේචනයට ලක්ව තිබේ. නායකයා නවකයෙකු බැවින් ඔහු අතින් වැරදි සිදුවීම තේරුම් ගත හැකි වුවත්, IPL තරගාවලියේ රෝයල් චැලෙන්ජර්ස් බැංගලෝර් කණ්ඩායම සමඟ වසර ගණනාවක අත්දැකීම් ඇති මයික් හෙසන් වැනි පුහුණුකරුවෙකු මෙවැනි අවස්ථාවකදී නිසි මඟපෙන්වීමක් සිදු නොකිරීම කයිෆ්ගේ දැඩි දෝෂදර්ශනයට හේතු වී ඇත.
