බ්රිතාන්යයේ ලෝක ප්රකට ඔක්ස්ෆර්ඩ් සහ කේම්බ්රිජ් ශිෂ්ය සංගම් ඇමතීම සඳහා පාර්ලිමේන්තු මන්ත්රී නාමල් රාජපක්ෂ මහතාට ලැබී තිබූ ආරාධනා දෙකම දැඩි විරෝධතා මධ්යයේ අවලංගු කර තිබේ. බ්රිතාන්ය දෙමළ ඩයස්පෝරාව, මානව හිමිකම් ක්රියාකාරීන් සහ විශ්වවිද්යාල 20කට අධික සංඛ්යාවක ශිෂ්ය සංගම් එක්ව දියත් කළ දැවැන්ත විරෝධතා ව්යාපාරයක් මීට හේතු වී ඇත. රාජපක්ෂ පාලන සමයේ සිදුවූ බව කියන මානව හිමිකම් උල්ලංඝනය කිරීම් සහ මූල්ය වංචා චෝදනා පවතින පුද්ගලයෙකුට මෙවැනි කීර්තිමත් වේදිකාවක් ලබා නොදිය යුතු බව විරෝධතාකරුවන් අවධාරණය කර තිබිණි. මෙම බලපෑම් හමුවේ මුලින් කේම්බ්රිජ් සංගමය ද පසුව ඔක්ස්ෆර්ඩ් සංගමය ද සිය දේශන අවලංගු කිරීමට තීරණය කළ අතර, මෙය සිය අරගලයේ ජයග්රහණයක් බව විරෝධතාකරුවෝ පවසති.
