බෙංගාල බොක්ක මුහුදු ප්රදේශයේ පැවති වායුගෝලීය කැළඹිලි ස්වභාවය පීඩන අවපාතයක් දක්වා වර්ධනය වී මේ වන විට ශ්රී ලංකාවට ඊසාන දෙසින් පිහිටා ඇති බව කාලගුණ විද්යා දෙපාර්තමේන්තුව නිවේදනය කරයි. මෙම පද්ධතිය දිවයිනෙන් ඉවතට ගමන් කිරීමත් සමඟ අද (23) සිට පවතින වැසි තත්ත්වයේ අඩුවීමක් අපේක්ෂා කෙරේ. කෙසේ වෙතත්, එහි බලපෑම තවදුරටත් පවතින බැවින් උතුරු, උතුරු-මැද, වයඹ සහ ත්රිකුණාමලය යන ප්රදේශවලට විටින් විට වැසි ඇතිවිය හැකිය. ගාල්ල, මාතර, රත්නපුර සහ හම්බන්තොට දිස්ත්රික්කවල ස්ථාන කිහිපයකට පස්වරු 2.00න් පසු වැසි හෝ ගිගුරුම් සහිත වැසි ඇතිවීමේ හැකියාව පවතී. මුහුදු ප්රදේශවල පැයට කිලෝමීටර් 20-40ත් අතර වේගයකින් සුළං හැමිය හැකි අතර, ගිගුරුම් සහිත වැසි ඇතිවන අවස්ථාවලදී මුහුද රළු විය හැකි බැවින් ධීවර හා නාවික ප්රජාව මේ පිළිබඳව අවධානයෙන් පසුවිය යුතු බව දෙපාර්තමේන්තුව වැඩිදුරටත් දන්වා සිටියි.
